EDD Tej Kev Pab uas Txhais Lus Hmoob

English

Peb mob siab muab cov xov xwm uav yuav tsum muaj qhia rau cov uas nrhiav EDD tej kev pab thiab cov xov xwm. Nyob nram qab no muaj EDD tej daim foos, cov ntawv luam, thiab lwm yam kev pab uas tau txhais ua lus Hmoob.  

Yog muaj lus nug thiab xav tau xov xwm ntxiv txog peb tej kev pab, cia li tiv tauj lub txheej xwm thiab thov kom muaj ib tug neeg txhais lus uas hais lus Hmoob koj tsis them nqi dab tsi li.  

Tej zaum koj yuav tsum download Adobe Reader uas pub dawb (Lus Askiv) kom saib thiab luam. 

Kev Tuav Pov Hwm Thaum Poob Hauj Lwm

Kev Tuav Pov Hwm Thaum Poob Hauj Lwm yog ib lub txheej xwm uas cov koom haum ntiav neeg ua hauj lwm pub nyiaj rau. Lub txheej xwm no muab nyiaj pab rau tej sij hawm luv rau cov neeg ua hauj lwm uas tau poob hauj lwm los sis tsis ua hauj lwm tsis ntev npaum li qub thaum lawv tsis tau ua txhaum dab tsi li. Yog xav kawm ntxiv txog kev tuav pov hwm thaum poob hauj lwm, saib File for Unemployment – Overview (Lus Askiv). 

Lus Cim: Yog koj thov kom txais tau nyiaj pab thaum poob hauj lwm, cia li qhia peb tias koj nyiam hais yam lus twg thiab sau ntawv ua yam lus twg. Peb yuav sau cia kom peb thiaj li muab tau kev pab txhais lus rau koj es koj tsis tas them nqi dab tsi li. 

Nyob ntawm no koj nrhiav tau cov ntaub ntawv uas tau muab txhais ua lus Hmoob. Yog xav saib tag nrho cov ntaub ntawv uas muaj, saib Unemployment Insurance – Forms and Publications (Lus Askiv). 

Tej Daim Foos uas Sau Rau

Employment Development Department Daim Ntawv Rov Hais Dua (DE 1000M/H) 
Daim foos DE 1000M los pub cov neeg thov thiab cov koom haum ntiav neeg ua hauj lwm kom thov rov hais dua txog kev txiav txim txog kev tsim nyog uas lub Rooj Tsav Xwm (Department) ua. 

Cov Ntawv Foos Piv Txwv rau Kev Saib Xwb

Tsab Ntawv Ceeb Toom Kev Tau Txais Nyiaj Pab Kev Tuav Pov Hwm Kev Tsis Tau Hauj Lwm Ua (DE 429Z/H)  
Muab xov xwm txog nyiaj thiab kev tsim nyog rau cov neeg thov txog qhov uas lawv tau thov. 

Qhia Kev Txiav Txim Tias Puas Tau thiab/los sis Raws Txoj Cai (DE 1080CZ/H) 
Xa ntawv mus rau cov koom haum ntiav neeg ua hauj lwm thiab/los sis cov neeg thov. Muaj xov xwm txog ib tug neeg thov txoj kev tsim nyog txais nyiaj pab.

Daim Ntawv Qhia Kev Tsom Xam (DE 1080MON/H) 
Xa mus rau cov neeg thov kom qhia lawv txog qhov uas lawv tsis tsim nyog txais nyiaj pab kev tuav pov hwm kev tsis tau hauj lwm ua thiab muab xov xwm txog lawv tej kev muaj cai rov mus hais dua.

Tsab Ntawv Qhia Tias Daim Ntawv Thov Nyiaj Poob Hauj Lwm Muab Lis Tag Lawm (Claimant) (DE 1101CLMT/H) 
Muab ib daim ntawv luam rau cov neeg thov txog cov xov xwm txog lawv txoj kev thov raws li lub Rooj Tsav Xwm khiav. Daim ntawv qhia no kuj ntuas cov neeg thov tias lawv muaj cai kho tej yam uas sau yuam kev thiab/los sis tsis tau hais txog, thiab muaj tej lus qhia yuav tiv tauj lub Rooj Tsav Xwm li cas.

Daim Ntawv Thov Nyiaj Poob Hauj Lwm (DE 1101I/H)  
Nov yog ib daim ntawv thov nyiaj pab UI ua piv txwv kom pab cov neeg thov uas yam lus lawv nyiam yog lus Hmoob. Tsuas pub muab DE 1101I luam thiab sau kom tas ua lus Askiv los sis lus Mev, thiab tsuas pub xa fax los sis xa ntawv rau EDD kom thov nyiaj pab thaum tsis tau hauj lwm ua. Koj nrhiav tau daim ntawv thov no ua lus Askiv los sis lus Mev thaum koj mus saib Unemployment Insurance – Forms and Publications (Lus Askiv). 

Daim Ntawv Thov Nyiaj Poob Hauj Lwm rau cov Raug Kev Puas Tsuaj Poob Hauj Lwm (DUA) (DE 1101ID/H) 
 Nov yog ib daim ntawv thov nyiaj pab UI ua piv txwv kom pab cov neeg thov uas yam lus lawv nyiam yog lus Hmoob. Daim ntawv thov no muaj ib daim thov pab ntxiv rau cov Raug Kev Puas Tsuaj Poob Hauj Lwm (DUA) yog tias koj tsis muaj hauj lwm ua los sis ib feem tau poob hauj lwm vim raug kev puas tsuaj. Tsuas pub muab DE 1101ID luam thiab sau kom tas ua lus Askiv los sis lus Mev, thiab tsuas pub xa fax los sis xa ntawv rau EDD kom thov nyiaj pab thaum tsis tau hauj lwm ua. Koj nrhiav tau daim ntawv thov no ua lus Askiv los sis lus Mev thaum koj mus saib Unemployment Insurance – Forms and Publications (Lus Askiv). 

Kev Thov Kom Txheeb Xyuas tus Kheej (DE 1326C/H) 
Tej lus qhia kom tus neeg thov paub tias lub Rooj Tsav Xwm txheeb xyuas tsis taus nws yog leej twg thiab yuav tsum muab cov ntaub ntawv kom txheeb xyuas taus. 

Cov Ntaub Ntawv uas Siv Tau rau Kev Txheeb Xyuas Tus Kheej (DE 1326CD/H)  
Cov ntaub ntawv uas tsim nyog siv kom txheeb xyuas tus kheej. 

Kev Ceeb Toom txog Kev Them Nyiaj uas Tej Zaum Them Tau Tshaj (DE 1447/H) 
Xa ntawv mus rau cov neeg thov. Qhia xov xwm txog kev them nyiaj uas tej zaum them tau tshaj thaum twg ib tug neeg thov tej zaum tau txais nyiaj pab UI tshaj qhov tsim nyog. 

Daim Ntawv Foos Thov Txuas Nyiaj Ntxiv (DE 4581CTO/H) 
Nov yog ib daim ntawv ua piv txwv txog Daim Ntawv Foos Thov Txuas Nyiaj Ntxiv kom pab cov neeg thov ua pov thawj kom txais tau Nyiaj Pab UI. Nov yog ib daim ntawv ua piv txwv xwb thiab tsis puab muab luam thiab xa mus rau EDD. Tiv tauj EDD (Lus Askiv) yog koj xav tau ib daim ntawv foos pauv daim qub xa tuaj rau koj kom ua pov thawj txog nyiaj pab UI. 

Ceeb Toom Kev Xam Phaj rau cov Poob Hauj Lwm Muaj Cai Tau Txais Kev Pab (DE 4800/H)  
Ib daim ntawv ceeb toom xa rau cov neeg thov uas muaj hnub thiab lub sij hawm thaum twg yuav tham xov tooj xam phaj lawv txog qhov uas lawv puas muaj cai txais nyiaj pab thaum poob hauj lwm. 

Employment Development Department (EDD) Customer Account Number (DE 5614/H)

Ceeb Toom Qhia Kev Thov Rau Npe rau Kev Ua Hauj Lwm (DE 8405/H)  
Ntuas cov neeg uas thov tuav pov hwm thaum tsis tau hauj lwm ua hais tias lawv yuav tsum rau npe rau kev ua hauj lwm siv CalJOBSSM ua ntej dhau 21 hnub.

Nyiaj Faj Seeb rau Thaum Poob Hauj Lwm: Yam Koj Yuav Tau Paub (DE 1275B/H)
Pab cov neeg uas thov kom to taub txog tej yam yuav tsum ua kom tsim nyog txais nyiaj pab UI.

Kev Pab rau Koj: Xeev California cov Kev Pab Cuam rau cov Neeg Poob Hauj Lwm (DE 2320/H)
Piav txog EDD tej kev pab thiab cov koom haum uas ntiav neeg ua hauj lwm muab rau cov neeg ua hauj lwm.

Nyiaj Poob Hauj Lwm: Ua Ntawv Thov, Xov Xwm txog Kev Them, Xov Xwm Ntxiv (DE 2320M/H)
Qhia yuav ua li cas kom ua ntawv thov los sis rov qab qhib kev thov txais nyiaj poob hauj lwm, txais kev them nyiaj los sis xov xwm txog kev thov, thiab lwm yam kev pab los ntawm America’s Job Center of California.

Cov Tswv Yim Rau Kev Tsim Nyog tau txais California Cov Kev Pab Cuam Kev Kawm (DE 2332/H)
Kev qhia me ntsis txog California Cov Kev Pab Cuam Kev Kawm (CTB) tej kev tsim nyog txais thiab tus txheej txheem pom zoo. 

Paub Ua Li Cas Tsim Txuas Kev Askhauj UI OnlineSM (DE 2338H/H)

Tej Daim Ntawv Qhia txog Qhov Tseeb

California Cov Kev Pab Cuam Kev Cob Qhia (DE 8714U/H)
Ib daim ntawv qhia xov xwm, los sis “EDD daim Ntawv Qhia txog Qhov Tseeb” uas qhia tej yam txog lub txheej xwm California Cov Kev Pab Cuam Kev Cob Qhia (CTB).

Tseem ceeb: UI OnlineSM (Lus Askiv) tseem yog txoj kev sai tshaj plaws kom xa koj txoj kev thov UI. Koj kuj nug tau tej lus nug txog koj txoj kev thov yog siv UI Online thaum koj xaiv Contact Us nyob ntawm sab saud ntawm koj qhov homepage.

Lus Cim: Yog EDD hu xov tooj tuaj rau koj, tej zaum koj qhov qhia tias leej twg hu koj yuav hais tias “St of CA EDD” los sis tus naj npawb xov tooj pab tswv cuab UI Customer Service ntawm 1-800-300-5616.

Kev Pab Tswv Cuab txog UI

Txais kev pab ua ntawv thov los ntawm xov tooj, tej lus nug txog UI, thiab tej kev pab rau npe nyob online, rov qab tus naj npawb zais, thiab EDD tej Naj Npawb Askhauj.

Sij hawm qhib: 8 teev sawv ntxov txog 7 teev tsaus ntuj (Pacific), hnub Monday txog Friday, tsuas tsis qhib lub xeev tej hnub phav (Lus Askiv).

Naj npawb xov tooj:

  • Lus Askiv: 1-800-300-5616. Kom hais lus rau ib tug neeg txhais lus Hmoob, cia li thov tus neeg sawv cev thaum koj tham xov tooj.
  • Lub Xeev California Kev Pab Txuas Lus (711): Muab tus lej UI (1-800-300-5616) qhia rau tus neeg txuas xov tooj
  • TTY: 1-800-815-9387

UI tus Xov Tooj Pab tus Kheej

Txais tau xov xwm txog kev ua li cas ua ntawv kom thov los sis rov qab qhib ib daim ntawv thov uas muaj lawm thiab koj txoj kev them nqi zaum tas los. Koj kuj ua tau pov thawj kom txais tau nyiaj pab
EDD Tele-CertSM, thov tej daim luam txog koj cov xov xwm them se 1099G, thiab nrhiav kokj zej zog qhov chaw America’s Job Center of California.

Teev sij hawm: 24 teev hauv ib hnub, xya hnub hauv ib lub lim tiam.

Naj npawb xov tooj: 1-866-333-4606 (Lus Askiv).

 

Kev Tuav Pov Hwm Nyiaj Hauj Lwm Thaum Raug Mob

Kev Tuav Pov Hwm Nyiaj Hauj Lwm Thaum Raug Mob (DI) yog ib lub txheej xwm uas raug nqi los ntawm cov koom haum ntiav neeg ua hauj lwm cov nyiaj. Lub txheej xwm no muab cov nyiaj pab them rau cov neeg ua hauj lwm uas poob nyiaj txiag khwv hauj lwm thaum lawv tsis muaj peev xwm ua hauj lwm vim tias muaj mob tsis yog los ntawm chaw hauj lwm, raug mob, los sis muaj me nyuam. Yog xav kawm ntxiv, saib About Disability Insurance (Lus Askiv).

Tam sim no peb tsis muaj ntaub ntawv uas tau muab txhais ua lus Hmoob. Peb yuav muab ntaub ntawv uas tau txhais lus thaum twg muaj lawm. Yog xav saib tag nrho cov ntaub ntawv uas muaj, saib Disability Insurance – Forms and Publications (English).

Yog xav muaj xov xwm ntxiv thiab kev sau cov chaw ua hauj lwm nyob qhov twg, saib State Disability Insurance Office Locations (Lus Askiv).

Yog xav tiv tauj ib tug sawv cev DI, siv qhov DI Automated Phone Information System (Lus Askiv):

  • Kom thov ib tug neeg txhais lus:
    1. Hu 1-800-480-3287.
    2. Xaiv English.
    3. Xaiv qhov uas hais tias xav hais lus rau ib tug sawv cev.
    4. Thov ib tug neeg txhais lus uas hais lus Hmoob.
  • Lub Xeev California Kev Pab Txuas Lus (711): Muab tus lej DI (1-800-480-3287) qhia rau tus neeg txuas xov tooj
  • TTY: 1-800-563-2441

Muaj cov neeg sawv cev pib thaum 8 teev sawv ntxov txog 5 teev tsaus ntuj (Pacific), hnub Monday txog Friday, tsuas tsis muaj thaum lub xeev tej hnub phav (Lus Askiv).

Tseem ceeb: SDI Online yog txoj kev sai tshaj plaws kom ua ntawv thov thiab txais tau xov xwm txog koj txoj kev thov DI. Thaum koj siv SDI Online (Lus Askiv), koj nug tau tej lus uas tsis qhia leej twg txog koj daim ntawv thov thiab txais tej lus teb ncaj qha. Los ntawm koj phab tsev:

  1. Xaiv qhov Claim ID ntawm koj txoj kev thov.
  2. Xaiv Request Claim Update nyob hauv feem Claim Information.
  3. Xaiv ib qho Request Type los ntawm tej yam uas xaiv tau thiab xaiv Next.
  4. Muab koj lo lus nug ntxiv rau koj daim ntawv thov.

Yog xav tau xov xwm ntxiv, saib Disability Insurance (Lus Askiv).

Nyiaj Pab Thaum Tsis Ua Hauj lwm Vim Pab Tsev Neeg

Nyiaj Pab Thaum Tsis Ua Hauj lwm Vim Pab Tsev Neeg (Paid Family Leave, PFL) muab nyiaj pab rau cov neeg uas yuav tsum phav hauj lwm kom saib xyuas ib tug hauv nws tsev neeg uas muaj mob heev, sib raug zoo nrog ib tug me nyuam tshiab, los sis koom tes ua ib yam xwm txheej vim tias ib tug hauv nws tsev neeg yuav mus ua tub rog. Yog xav kawm ntxiv, saib Paid Family Leave (Lus Askiv).

Tam sim no peb tsis muaj ntaub ntawv uas tau muab txhais ua lus Hmoob. Peb yuav muab ntaub ntawv uas tau txhais lus thaum twg muaj lawm. Yog xav saib tag nrho cov ntaub ntawv uas muaj, saib Paid Family Leave – Forms and Publications (Lus Askiv).

Yog xav muaj xov xwm ntxiv thiab kev sau cov chaw ua hauj lwm nyob qhov twg, saib State Disability Insurance Office Locations (Lus Askiv).

Yog xav tiv tauj ib tug sawv cev PFL, siv qhov PFL Automated Phone Information System (Lus Askiv):

  • Lus Askiv: 1-877-238-4373. Yog koj hu xov tooj uas hais lus Askiv, ces koj hais rau ib tug neeg txhais lus thaum koj ua raws li tej yam no:
    • Xaiv English.
    • Xaiv qhov uas hais tias xav hais lus rau ib tug sawv cev.
    • Thov ib tug neeg txhais lus uas hais lus Hmoob.
  • Lub Xeev California Kev Pab Txuas Lus (711): Muab tus lej PFL (1-877-238-4373) qhia rau tus neeg txuas xov tooj
  • TTY: 1-800-445-1312

Muaj cov neeg sawv cev pib thaum 8 teev sawv ntxov txog 5 teev tsaus ntuj (Pacific), hnub Monday txog Friday, tsuas tsis muaj thaum lub xeev tej hnub phav (Lus Askiv).

Tseem ceeb: Koj nug ib tug PFL ib lo lus nug thaum koj mus saib Ask EDD (Lus Askiv).

  1. Xaiv hom Paid Family Leave.
  2. Xaiv hom Miscellaneous Inquiry.
  3. Xaiv lub ntsiab lus Other (Questions).

Yog xav tau xov xwm ntxiv, saib Paid Family Leave (Lus Askiv).

Kev Them Se ntawm cov uas Ua Hauj Lwm

Peb saib xyuas lub xeev California tej lub txheej xwm them se ntawm cov uas ua hauj lwm thiab muab kev pab thiab tej lus coj kev ntau kom pab cov uas ntiav neeg ua hauj lwm. Yog xav kawm ntxiv, saib Payroll Taxes (Lus Askiv).

Tam sim no peb tsis muaj ntaub ntawv uas tau muab txhais ua lus Hmoob. Peb yuav muab ntaub ntawv uas tau txhais lus thaum twg muaj lawm. Yog xav saib tag nrho cov ntaub ntawv uas muaj, saib Payroll Taxes – Forms and Publications (Lus Askiv).

Yog xav tiv tauj ib tug sawv cev Payroll Taxes los sis siv qhov Automated Phone Information System:

  • Lus Askiv: Hu 1-888-745-3886 thiab thov kom muaj ib tug txhais lus uas hais lus Hmoob.
  • Lub Xeev California Kev Pab Txuas Lus (711): Muab tus lej Payroll Tax Assistance (1-888-745-3886) qhia rau tus neeg txuas xov tooj
  • TTY: 1-800-547-9565

Yog muaj lus nug txog kev txais nyiaj pab tshaj qhov tsim nyog, tiv tau qhov Benefit Overpayment Collection Section ntawm 1-800-676-5737 (English) thiab thov kom muaj ib tug neeg txhais lus uas hais lus Hmoob.

Muaj cov neeg sawv cev pib thaum 8 teev sawv ntxov txog 5 teev tsaus ntuj (Pacific), hnub Monday txog Friday, tsuas tsis muaj thaum lub xeev tej hnub phav (Lus Askiv).

Yog xav tau xov xwm ntxiv thiab kev sau txog tej qhov chaw ua hauj lwm nyob qhov twg, saib Contact Payroll Taxes (Lus Askiv). Saib Office Locator (Lus Askiv) kom nrhiav tau ib qhov chaw ua hauj lwm txog kev them se thaum ua hauj lwm nyob ze koj.

Tej Hauj Lwm thiab Kev Cob Qhia

Los ntawm tej chaw America’s Job Center of CaliforniaSM, peb muab tej kev pab nrhiav hauj lwm thiab kev cob qhia uas pab cov neeg nrhiav hauj lwm, cov uas raug tso tseg, cov koom haum uas ntiav neeg ua hauj lwm, thiab ntxiv. Yog xav kawm ntxiv, saib Jobs and Training (Lus Askiv).

Tam sim no peb tsis muaj ntaub ntawv uas tau muab txhais ua lus Hmoob. Peb yuav muab ntaub ntawv uas tau txhais lus thaum twg muaj lawm. Yog xav saib tag nrho cov ntaub ntawv uas muaj, saib Jobs and Training – Forms and Publications (Lus Askiv).

America’s Job Center of California

Saib Office Locator (Lus Askiv) kom tiv tauj ib lub America’s Job Center of California nyob ze koj. Yog xav tau xov txwm txog tej kev pab cuam pawg ua hauj lwm:

  • Lus Askiv: Hu 1-916-654-7799 thiab thov kom muaj ib tug txhais lus uas hais lus Hmoob.
  • Lub Xeev California Kev Pab Txuas Lus (711): Muab tus lej Workforce Services (916-654-7799) qhia rau tus neeg txuas xov tooj

Yog xav nrhiav ib txoj hauj lwm, qhia txog ib txoj hauj lwm, thiab saib lwm tej kev pab nrhiav hauj lwm nyob online, saib CalJOBSSM (Lus Askiv). Yog xav tau kev pab, hu CalJOBS ntawm 1-800-758-0398.

Xov Xwm txog Kev Ua Hauj Lwm Zoo Li Cas

Yog xav nug, tej lus, hais lus, los sis muab tswv yim txog kev ua hauj lwm zoo li cas:

  • Lus Askiv: Hu 916-262-2162 thiab thov kom muaj ib tug txhais lus uas hais lus Hmoob.
  • Lus Askiv Xa Fax: 916-651-5784
  • Lub Xeev California Kev Pab Txuas Lus (711): Muab tus lej Labor Market Information (916-262-2162) qhia rau tus neeg txuas xov tooj

Lus Cim: Peb muab kev pab tawm tswv yim txog kev ua hauj lwm zoo li cas kom pab cov koom haum pab ua hauj lwm thiab cov koom haum uas ntiav neeg ua hauj lwm kom nrhiav, txais tau, thiab siv xov xwm thiab tej kev pab txog kev ua hauj lwm zoo li cas. Saib Labor Market Consultants by County (PDF) (Lus Askiv)  yog xav tau kev sau xov tooj thiab email txog cov kws pab tswv yim Labor Market nyob hauv California.

EDD Phab Tsev

Tseem tsis tau muab peb qhov website txhais ua lus Hmoob. Koj mus tau rau EDD phab tsev thiab siv qhov Google TranslateSM nyob phab tsev nram qab ces nyob Translation nram qab.

Tseem Ceeb: Qhov Google TranslateSM los muab kom txais tau xov xwm xwb. Tej zaum tej kev txhais lus yuav tsis raug. Siv tej kev txhais lus kom lam pab koj xwb. Peb tuaj yeem tsis taus kev txhais lus yuav raug npaum li cas los ntawm qhov kev txhais no yog li ntawd peb tsis lav ris tej xov xwm uas qhia tsis yog los sis tej yam uas hloov vim tso tej lus hauv phab ntawv txawv thaum siv qhov kev txhais no. Yog xav tau xov xwm ntxiv, saib Google Translate Disclaimer.